今日10點幾就俾人吵醒去上水飲茶...

都唔係食左好多野就飽...

之後就同阿媽..阿姨...姨丈同阿婆去行街....

行街就真係齋行街...咩都冇得買....

又證明多一次同阿媽出街係冇好野買架...

又俾我配眼鏡...唉....我上過去睇啦...我想配個個框冇左啦~~~好傷心~~

行完上水...又話同人地去大中買鞋!

騙人的!!!!!我仲想買衫啊....都唔俾~~~~

幾時先有錢啊.....help~~

琴晚12點先訓...今日12點先起身...足足訓左12個鐘!

起左身刷完牙就食野...又係食麵...

食完野就換衫同阿媽,阿姨,表弟去左mk...

阿媽去mk o既目的係去sunday換惠康現金卷...

上次我同阿哥去過好多人等左成半個鐘...所以我叫佢自己去...

阿姨就行女人街啦....買左好多野....

最搞笑o既係我表弟係女人街見到一d好靚o既手飾盒...就話想買...

我阿姨問佢買俾邊個...佢又話唔講得...(其實想買俾女仔)

行左一陣...我阿姨買左個龍珠公仔俾佢...之後佢就唔記得要買野俾個女仔啦~~~

而我呢...本來就想去信和買雜誌...但又帶住個表弟...唔方便去個d地方...之後就冇去了!

我就去左旺中啦....買左好多衫....

我終於買返d女仔衫啦.....買左條牛仔裙....

仲買左條短褲同兩件t-shirt~~

我想買件褸同高跟鞋...但阿媽又唔俾喎...

唉~~~都話同阿媽出去都係冇收獲架啦!

我今日終於食到八爪魚丸啦....好開心啊....

我去大中買野個陣又想食撈撈...但又好飽...下次先吧....

今日好凍啊起身...又要集隊...

落到樓哈比人仲未到...佢成日都係最早個個架麻~~點知今日係最遲個個~~

好彩我同翠翠冇等佢就返左學...

起左旗次後...自大講德育短講啊....講左好死耐~~

佢講個d...我form3個陣已經聽過...悶到嘔電...

之後田徑個d又要頒獎啵....企左成個鐘啊~~~

電腦堂個陣....拎返本書個陣發現唔係班房...原來上次肥猩叫阿雞拎書落去個陣冇拎...

成疊書都係電腦室....落去個陣仲要俾人鬧.....

bio堂...肥超拎肥陞個書包走....

原來曾sir話佢小息去4樓玩個陣....拉住個門唔俾人入..點知人地大力過佢...

最後爆灴了....講出黎真係笑死人....佢真係青頭!

maths堂...續多項式太容易啦....做到都覺得有d悶~~成堂係到發夢!

琴日梁啟超又講今日冇週會...但其實班又話有!最終都係有....

鄭sir一宣傳落去聽講座o既時候我地成班已經衝左落去....原來係ICAC d講座...

爆無聊囉....全部女仔訓晒啊~~~

不過今日都係準時放學....放學之後我同八爪魚同小安去左老麥....

食左老麥....仲換左個麥羊羊

好可愛啊＞３＜

食完野就去左商務買＜＜花樣＞＞ O既寫真集同小說....

不過佢今日又冇啦啦出多左一本....仲要93蚊~~(琴日睇個陣冇架啵)

我就買左兩本啦(冇買小說啵)....點知唔覺錢交補習費!

好彩我返到屋企個陣....阿媽又返黎啦~~佢俾多一百蚊我買小說啊....好開心啊!

寫真集 小說

劇情小說

YEAH~~聽日又可以去MK啦~~好開心啊....

上個星期冇食八爪魚丸...今個星期一定要食啊~~~

死期到

今日上完早會...miss派家長日o既通告...

唉..2月10號我o既死期就到了~~

到時大家睇下報紙頭版有冇我啦下!

今日有7個人冇返學....成班得返26個人....

真正o既小班教學....

上聖經堂o既時候....睇張瑪莉o既見證....

點解佢阿媽唔要佢咁多年...而家見返...佢仲可以原諒佢架!!(講真俾我..我令願唔要)

maths堂....今日d人好靜喎....不過上堂都係有d唔明...

自己睇返書都明少少啦....今次又要靠A.HO啦~~~

英文SPEAKING....OMG...唔係以前的三個人討論啦....

而家係肥初睇住你地講,,,,續組續組講啊....HELP....

電腦堂...今次終於交到份功課啦...兩堂都冇交...

放左學就返屋企啦////睇到電視個廣告....

3月18有花樣播啊....不過到時我都睇晒啦////

瑞希個配音好死怪啊....成個女仔聲咁...(人地把聲好沉架麻)

無線將人地套野糟蹋睇啦~~~~~

今日早會完左之後...無啦啦掉位...

俾人掉左去門口第三行第二個位.....唉~~

好前...好唔慣啊~~~~做咩都唔得...

鄭SIR話...如果唔係老師有投訴O既話....MISS就唔會掉位!

最老都係薯條黃啦.....好鬼煩啊佢~~~

上MATHS堂個陣...D人米又係到玩野囉~~

搞左好耐先上到堂....

肥超,肥陞同吳WING都俾人收書包.....

唉.....我地成班出去補習算了....靜靜上堂都聽唔明佢講咩!

好彩...我有A.HO d秘笈姐.....

bio堂....用中文上真係好好多....返屋企又唔駛點溫

當然溫左仲好啦....我會努力架啦....

我好想配過副眼鏡啊....上堂都睇唔到..又花晒!

阿媽又話唔配....新年自己拎錢去配~~~配埋con!!!